မိုးကုတ်မြို့က ပြည်သူ ၅ ဦး ဖမ်းဆီးခံရ
DVB
·
May 23, 2021
မန္တလေးတိုင်း မိုးကုတ်မြို့မှာ မေ ၂၂ ရက် ည ၁၁ နာရီခွဲဝန်းကျင်က ပြည်သူ ၅ ဦး ကို နေအိမ်မှာ လာရောက်ဖမ်းဆီးသွားတယ်လို့ သိရပါတယ်။
ဒလံသတင်းပေးတာကြောင့် ပြည်သူတွေကို နေရာအတိအကျနဲ့ လာဖမ်းတာဖြစ်တယ်လို့ သိရပါတယ်။
စစ်ကောင်စီတပ်တွေဟာ မင်းတံတားရပ်ကွက်မှာ ညဘက် တစ်အိမ်ဝင်တစ်အိမ်ထွက် လိုက်လံရှာဖွေပြီး တခြားရပ်ကွက်ကနေ လာရှောင်နေတဲ့ ပြည်သူ ၄ ဦးအပါအဝင် ၅ ဦးအား ဖမ်းဆီးသွားတယ်လို့ ဆိုပါတယ်။
လတ်တလောမှာတော့ မိုးကုတ်မြို့မှာ အကြမ်းဖက်စစ်အုပ်စုက ဖမ်းဆီးတာတွေ ဆက်တိုက် လုပ်နေတယ်လို့ သိရပါတယ်။
