ထန်းတပင်မြို့နယ်က ပေါက်ကွဲမှုများ စစ်ကောင်စီတပ်လက်ချက်ဟု PDF ထုတ်ပြန်
DVB
·
May 22, 2021
ထန်းတပင်မြို့နယ်မှာဖြစ်ခဲ့တဲ့ ပေါက်ကွဲမှုတွေဟာ စစ်ကောင်စီတပ်တွေရဲ့ လက်ချက်ဖြစ်တယ်လို့ ထန်းတပင် PDF က ထုတ်ပြန်ပါတယ်။
ပြည်သူတွေအနေနဲ့ စစ်ကောင်စီတပ်ရှိတဲ့နေရာတွေကို ရှောင်ကြဖို့ကိုလည်း သတိပေးထားပါတယ်။
ထန်းတပင်ပြည်သူ့ကာကွယ်ရေးတပ်ဖွဲ့ (HPDF) အဖွဲ့အစည်းအပေါ် ပြည်သူတွေ အထင်မှား မုန်းတီးအောင် ထန်းတပင်မြို့နယ်တွင်း နေရာအနှံ့အပြားမှာ ဖောက်ခွဲမှုတွေကို စစ်ကောင်စီတပ်တွေက တမင်ရည်ရွယ် ပြုလုပ်ခဲ့ကြတာလို့ ဆိုပါတယ်။
HPDF အနေနဲ့ တရားဝင်အစိုးရဖြစ်တဲ့ NUG ရဲ့ မူဝါဒတွေနဲ့အညီ ပြည်သူတွေရဲ့ အသက်အိုးအိမ်စည်းစိမ်တွေကို ကာကွယ်စောင့်ရှောက်ဖို့ ဖွဲ့စည်းထားတဲ့ အဖွဲ့အစည်း ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
