ကသာ မြို့မစျေးကြီးထဲ အကြမ်းဖက်စစ်တပ် ဝင်ရောက်စီးနင်း
DVB
·
May 16, 2021
စစ်ကိုင်းတိုင်း ကသာမြို့ မြို့မစျေးကြီးထဲ မေလ ၁၆ ရက်နေ့ည ၈ နာရီလောက်မှာ အကြမ်းဖက်စစ်သားတွေ ဝင်ရောက်စီးနှင်းခဲ့တယ်လို့ သိရပါတယ်။
“ကသာဈေးထဲမှာ စစ်သားတွေ ဝင်ရောက်စီးနှင်းခဲ့တာပါ။ သေနတ်ထောက်ပြီး ဈေးကိုဖွင့်ခိုင်းတာ။ သူတို့စစ်ဆေးစရာရှိတယ်ဆိုပြီး လူတစ်ယောက်ကို အဲဒီဈေးထဲဝင်ရှာတယ်။ အဲဒါနဲ့ ဈေးသူဈေးသားတွေ မီးရှို့ခံရမှာစိုးလို့ဆိုပြီး ရောက်လာတယ်၊ လူတွေများလာတယ် ပစ္စည်းတွေသယ်ဖို့ လုပ်လာကြတယ်။ အကြမ်းဖက်စစ်သားတွေက လူစုခွဲဖို့ပြာတယ်။ လူစုမခွဲရင် ဖြိုခွင်းမယ်ပြောတော့ လူတွေပြန်ခဲ့တယ်” လို့ ကသာဒေသခံတစ်ဦးက ပြောပါတယ်။
ပြီးခဲ့တဲ့ရက်တွေက ရွှေဘိုဈေးတွေ မီးလောင်ထားတော့ ကသာဈေး မီးရှို့ခံရမှာ စိုးရိမ်နေကြတယ်လို့ ဈေးသည်တဦးက ပြောပါတယ်။
