မန္တလေးဇီဝိတဒါနသာသနာ့ဆေးရုံ စစ်ကောင်စီ၏တပ်များ ဝင်ရောက်စီးနင်း၊ ၆ ဦး ဖမ်းခံရ
DVB
·
May 15, 2021
မန္တလေးမြို့ အောင်မြေသာစံမြို့နယ် ၆၂ လမ်းနဲ့ ၁၅ လမ်းက ဇီဝိတဒါနသာသနာ့အထူးကု ဆေးရုံကြီးကို မေ ၁၄ ရက် ည ၁၀ နာရီလောက်က အာဏာသိမ်းစစ်ကောင်စီရဲ့တပ်တွေ ဝင်ရောက်စီးနင်းခဲ့ပါတယ်။
အဲ့ဒီလို ဝင်ရောက်စီးနင်းပြီး ဆရာဝန် ၁ ဦး၊ အလုပ်သင် ၁ ဦး၊ စေတနာ့ဝန်ထမ်း ၂ ဦး၊ လူနာ ၁ ဦး နဲ့ လူနာစောင့် ၁ ဦး စုစုပေါင်း ၆ ဦးကို ဖမ်းဆီးခေါ်ဆောင်သွားတယ်လို့ သိရပါတယ်။
ဇီဝိတဒါနသာသနာ့အထူးကုဆေးရုံကြီးဟာ သံဃာတော်တွေ၊ သီလရှင်တွေနဲ့ ပြည်သူတွေ ကို အခမဲ့ကုသပေးနေတဲ့ ဆေးရုံတစ်ခုဖြစ်ပြီး ကိုဗစ်ကာလတုန်းကလည်း စနစ်တကျ အသုံးပြုခဲ့တဲ့ ဆေးရုံဖြစ်ပါတယ်။
