မြင်းမူမြို့ စစ်အာဏာရှင်ဆန့်ကျင်ရေးသပိတ် ဖြိုခွင်းခံရပြီး ၁ ဦး ဒဏ်ရာရ
DVB
·
May 9, 2021
စစ်ကိုင်းတိုင်း မြင်းမူမြို့မှာ ဒီနေ့ နေ့လယ် ၁ နာရီကျော်အချိန်က ဆန္ဒပြပြည်သူတွေကို အကြမ်းဖက် စစ်တပ်က ဖြိုခွင်းခဲ့လို့ ပြည်သူတစ်ယောက် ခေါင်းကို ရာဘာကျည်မှန်ကာ ဒဏ်ရာရရှိခဲ့တယ်လို့ မျက်မြင်တွေ့သူက ပြောပါတယ်။
မနက်ခင်း စစ်အာဏာရှင်ဆန့်ကျင်ရေး သပိတ်ကို အင်အားအလုံးအရင်းနဲ့အကြမ်းဖက် ဝင်ရောက်ဖြိုခွင်းခဲ့တာဖြစ်ပြီး လူငယ်နှစ်ယောက်ကိုလည်း ဖမ်းဆီးသွားခဲ့တယ်လို့ သိရပါတယ်။
မနက် ၉ နာရီအချိန်ကတည်းက သေနတ်ပစ်ဖောက်ကာ တနေကုန်ဖြိုခွင်းနေတာ ဖြစ်တဲ့အတွက် အခုလက်ရှိအချိန်ထိ ဒဏ်ရာရရှိသူ ဘယ်လောက်ရှိတယ်ဆိုတာ အတိအကျမသိရသေးပါဘူး။
