ပုလဲသပိတ်ဦးဆောင်သူတစ်ဦး ဖမ်းဆီးခံရ
DVB
·
May 9, 2021
စစ်ကိုင်းတိုင်း ပုလဲမြို့က စစ်အာဏာရှင်ဆန့်ကျင်ရေး ဆန္ဒပြသပိတ် ဦးဆောင်သူတစ်ဦး မေလ ၈ ရက်နေ့ ညက ဖမ်းဆီးခံရတယ်လို့ သိရပါတယ်။
“မနေ့ညက ၉ နာရီလောက်မှာ ဖမ်းဆီးခံရတယ်။ သူ ပုလဲသပိတ် ဦးဆောင်ထဲ ပါတယ်။ အခု ဖမ်းခံရတာ ကိုဇော်ထွန်းပါ။ သူက ကဗျာဆရာတစ်ယောက်လည်း ဖြစ်ပါတယ်။ အရင် ကဗျာတွေ ရေးတယ်။ သူ့ရဲ့ကလောင်အမည်က ခက်သီပါ။ သူ့ကို ရွှေဘိုမှာ ဖမ်းဆီးခံရတယ်” လို့ ကဗျာဆရာ ကိုခက်သီရဲ့သူငယ်ချင်းက ပြောပါတယ်။
