သာစည်တွင် နေအိမ်မီးလောင်၊ အငြိမ်းစားဝန်ထမ်း ၁ ဦး သေဆုံး
DVB
·
May 2, 2021
မန္တလေးတိုင်း သာစည်မြို့ အမှတ် ၇ ရပ်ကွက် အာရဘီစာသင်ကျောင်းအနီး နေအိမ်တစ်လုံး မေ ၁ ရက်က မီးလောင်ခဲ့ရာ အငြိမ်းစားမီရထားဝန်ထမ်း ၁ ဦး မီးလောင် သေဆုံးခဲ့ပါတယ်။
မီးလောင် သေဆုံးခဲ့တဲ့ အသက် ၇၀ ကျော်အရွယ် မီးရထားစက်ခေါင်း ဝန်ထမ်းဟာ အဲဒီအိမ်မှာ တစ်ဦးတည်းနေထိုင်သူ ဖြစ်ပါတယ်။
အငြိမ်းစားဝန်ထမ်းနေတဲ့အိမ်ဟာ ညအချိန် မီးလောင်ခဲ့တာဖြစ်ပြီး ခြင်ဆေးခွေက မီးစတင်လောင်တယ်၊ လျှပ်စစ်ဝါယာရှော့ခ် ဖြစ်ရာက မီးလောင်တယ်ဆိုတဲ့ ထင်ကြေးနဲ့ အမျိုးမျိုး ပြောဆိုနေကြတယ်လို့ ဒေသခံတဦးက ပြောပါတယ်။
