မန္တလေးတွင် အကြမ်းဖက်စစ်ကောင်စီတပ် ပစ်ခတ်မှုကြောင့် ၁ ဦး သေဆုံး
DVB
·
April 27, 2021
မန္တလေးမြို့ မဟာအောင်မြေမြို့နယ် စိန်ပန်းရပ်မှာ ဧပြီ ၂၆ ရက် ညပိုင်းက အာဏာသိမ်းစစ်ကောင်စီရဲ့ အကြမ်းဖက်လက်နက်ကိုင်တွေရဲ့ ပစ်ခတ်မှုကြောင့် လူတစ်ဦး သေနတ်မှန်သေဆုံးခဲ့ပါတယ်။
“အမှတ် ၂၄ ကျောင်းထဲမှာ တပ်စွဲထားတဲ့ ကောင်တွေကို အသံဗုံးလား ဗြောက်လား မသိဘူး ဆိုင်ကယ်နဲ့ လာပစ်ပြီး ပြေးသွားတာ။ အဲ့တာကို မမိလိုက်လို့ မဲမဲမြင်ရာ အကုန်ပစ်တာ။ ပစ်ရင်းနဲ့ မှန်တာ” လို့ စိန်ပန်းရပ်နေသူတစ်ဦးက ပြောပါတယ်။
သေဆုံးသူဟာ စိန်ပန်း တိုက်သစ်နားမှာ ထမင်းကြော်ရောင်းတဲ့ အသက် ၃၀ ပတ်ဝန်းကျင် အမျိုးသားတစ်ဦးဖြစ်ပြီး နောက်ကျောကို မှန်တာလို့ သိရပါတယ်။
