မိုးကုတ်မြို့ အောင်ချမ်းသာကျောင်းကို အကြမ်းဖက်စစ်အုပ်စုက တပ်စွဲ
DVB
·
April 18, 2021
မန္တလေးတိုင်းဒေသကြီး မိုးကုတ်မြို့မှာ ဧပြီ ၁၈ ရက်နေ့က အာဏာသိမ်း အကြမ်းဖက်စစ်အုပ်စုက ရပ်ကွက်ပြည်သူတွေတားဆီးထားတဲ့လမ်းကို အင်အားအလုံးအရင်းနဲ့ ဖြိုချရှင်းလင်းခဲ့ပြီး ရပ်ကွက်ထဲရှိ အောင်ချမ်းသာကျောင်းမှာဝင်ရောက် တပ်စွဲထားပါတယ်။
အောင်ချမ်းသာ ရပ်ကွက်ထဲမှာလည်း လက်နက်ကိုင်စစ်တပ်တွေ တပ်ဖြန့်ထားပြီး ပြည်သူတွေရဲ့ သဲအိတ်တွေကိုပါ ကျောင်းထဲကို သယ်ဆောင်လာတယ်လို့သိရပါတယ်။
အောင်ချမ်းသာရပ်ကွက်ထဲမှာ ဧပြီ ၁၇ ရက်နေ့က အာဏာသိမ်းအကြမ်းဖက်စစ်အုပ်စုရဲ့ ပစ်ခတ်မှုကြောင့် ပြည်သူ ၃ ဦးသေဆုံးခဲ့ပြီး ၂ ဦးအလောင်းပြန်မရသေးဘူးလို့ သိရပါတယ်။
