စစ်ကောင်စီတပ်များအမြန်ဆုံးထွက်သွားရန် ကြာအင်းဆိပ်ကြီးပြည်သူများတောင်းဆိုဆန္ဒပြ
DVB
·
April 10, 2021
ကရင်ပြည်နယ်၊ ကြာအင်းဆိပ်ကြီးမြို့နယ် ဝင်းရော်ဒေသကို ဝင်ရောက်လာတဲ့ စစ်ကောင်စီတပ်တွေ အမြန်ဆုံးထွက်သွားဖို့နဲ့ ဝင်းရော်သပိတ်စစ်ကြောင်းဟာ ငြိမ်းချမ်းစွာ တောင်းဆို ဆန္ဒပြခဲ့ပါတယ်။
စစ်အာဏာရှင်အလိုမရှိကြောင်း ဆန္ဒပြတဲ့ ဝင်းရော်သပိတ်စစ်ကြောင်းဟာ ဒီကနေ့ တညင်ကျေးရွာနဲ့ လွတ်ရှမ်းကျေးရွာတွေမှာ စုပေါင်းပြီး ကြွေးကြော်သံတွေနဲ့အတူ ဆန္ဒပြခဲ့တာပါ။
ဧပြီ ၈ ရက်နေ့က အာဏာသိမ်းစစ်အုပ်စု လက်အောက်ခံတပ်ဖြစ်တဲ့ အမှတ်-၃၁၆ အမြောက်တပ်ရင်းက ကေအန်ယူ- ဒူးပလာယာခရိုင်၊ ဝင်းရေးမြို့နယ် တောင်နောက်ခြမ်း မာန်အောင်ကျေးရွာကို လက်နက်ကြီးနဲ့ ပစ်ခတ်ခဲ့ပါတယ်။
ဒီလိုပစ်ခတ်ခဲ့တဲ့အတွက် ကျေးရွာအတွင်း လက်နက်ကြီးကျရောက်ခဲ့ပြီး ဒေသခံပြည်သူတွေကို ထိခိုက်မှုမရှိပေမယ့် ဒေသခံတွေအနေနဲ့ ထိတ်လန့် ကြောက်ရွံနေရတဲ့ အတွက်ကြောင့် အခုလို ဆန္ဒပြနေရတာလို့ ဆန္ဒပြပွဲမှာ ပါဝင်သူ တစ်ဦးက ပြောပါတယ်။
