မန္တလေးရှိ အတားအဆီးများကို အကြမ်းဖက်ရဲနှင့်စစ်တပ် ဖယ်ရှား
DVB
·
April 10, 2021
မန္တလေးမြို့မှာ အကြမ်းဖက်စစ်တပ်နဲ့ ရဲတပ်ဖွဲ့ဝင်တွေဟာ ဧပြီ ၁၀ ရက် မနက်ပိုင်းမှာပဲ ပြည်သူတွေ လုပ်ထားတဲ့ အတားအဆီးတွေကို ဖယ်ရှားတာနဲ့ လမ်းပေါ်သွားလာသူတွေကို စစ်ဆေးနေကြပါတယ်။
ချမ်းအေးသာစံမြို့နယ်ထဲမှာဆိုရင် ပြည်သူတွေ တားဆီးထားတဲ့ အတားအဆီးတွေကို ဘူဒိုဇာနဲ့ ဖယ်ရှားတဲ့အပြင် အနီးနား နေအိမ် အုတ်တံတိုင်းကိုပါ ဘူဒိုဇာနဲ့ ထိုးသွားခဲ့ပါတယ်။
လမ်းသွားလမ်းလာပြည်သူတွေကို စစ်ဆေးရာမှာလည်း ပြည်သူတွေရဲ့ ဖုန်းတွေ၊ ဆိုင်ကယ် toolbox တွေအပြင် စစ်အာဏာရှင်ဆန့်ကျင်ရေးနဲ့ ပတ်သက်တဲ့ တက်တူးထိုးထား မထားဆိုတာ တွေပါ စစ်ဆေးတယ်လို့ သိရပါတယ်။
ဒါ့အပြင် အာဏာသိမ်းစစ်ကောင်စီရဲ့ အကြမ်းဖက်စစ်တပ်နဲ့ ရဲတပ်ဖွဲ့ဝင်တွေဟာ ညပိုင်းမှာ ဧည့်စားရင်းစစ်တဲ့ပုံစံနဲ့ နေအိမ်တွေကို အတင်းအဓမ္မဝင်ရောက်ပြီး စစ်ဆေးတာတွေ လုပ်နေ ကြပါတယ်။
