မန္တလေးတွင် ရဟန်းရှင်လူ ကျောင်းသားပြည်သူ စုပေါင်းပြီး စစ်အာဏာရှင်ကို ဆန့်ကျင်ဆန္ဒပြ
DVB
·
April 9, 2021
မန္တလေးမြို့မှာ ဧပြီ ၉ ရက်နေ့ မနက်ပိုင်းက စစ်အာဏာရှင်စနစ်ကျဆုံးရေးအတွက် ရဟန်းရှင်လူ ကျောင်းသားပြည်သူတွေ စုပေါင်းဆန္ဒပြခဲ့ကြပါတယ်။
စုပေါင်းသပိတ်စစ်ကြောင်းမှာ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် သပိတ်စစ်ကြောင်း၊ ဘုရားကြီးငြိမ်းချမ်းရေး သပိတ်စစ်ကြောင်း၊ မန္တလေး တမ္ပဝတီလူထု သပိတ်စစ်ကြောင်းနဲ့ အ.ထ.က(၇) ကျောင်းသားကျောင်းသူဟောင်းများ သပိတ်စစ်ကြောင်းတို့ ပါဝင်ခဲ့ကြပါတယ်။
ဆန္ဒပြသူတွေဟာ စစ်အာဏာရှင်ကျဆုံးရေး၊ ဖက်ဒရယ်ဒီမိုကရေစီစနစ် ပေါ်ပေါက်ရေး၊ ဖမ်းဆီးခံထားရသူတွေ လွှတ်ပေးရေး စတာတွေကို ငြိမ်းချမ်းစွာတောင်းဆိုခဲ့ကြပြီး သပိတ်ကို အောင်မြင်စွာ လူစုခွဲနိုင်ခဲ့ကြပါတယ်။
