မိုးကုတ်မြို့၌ ပြောက်ကျားသပိတ်ဖြင့် စစ်အာဏာရှင်ကို ဆက်လက်ဆန့်ကျင်
DVB
·
April 8, 2021
မန္တလေးတိုင်း မိုးကုတ်မြို့မှာ ဧပြီ ၈ ရက်နေ့က စစ်အာဏာရှင်ဆန့်ကျင်ရေး သပိတ်စစ်ကြောင်းကို ရပ်ကွက်အလိုက် ပြောက်ကျားစနစ်နဲ့ လူရာချီ ဆန္ဒပြကြပါတယ်။
မိုးကုတ်မှာ ရဲနဲ့ စစ်တပ်က ရပ်ကွက်တွေထဲအထိ ဝင်ရောက် စီးနင်း ဖမ်းဆီးတာမျိုး ရှိပေမယ့် သပိတ်စစ်ကြောင်းတွေကတော့ ဆက်ထွက်နေကြတာဖြစ်ပါတယ်။
မိုးကုတ်မြို့က ပြည်သူတွေဟာ အရုဏ်ဦးသပိတ်၊ ထိုင်သပိတ်၊ ပင်မသပိတ်၊ ဆုတောင်းပွဲနဲ့ ညသပိတ်တွေကို ရပ်ကွက်အလိုက်ပုံမှန်ပြုလုပ်ပြီး စစ်အာဏာရှင်စနစ်ကို နေ့စဉ် ဆန့်ကျင်ဆန္ဒပြ နေကြပါတယ်။
