မွန်ပြည်နယ်တွင် ရဲနှင့် စစ်တပ်၏ ပစ်ခတ်မှုကြောင့် ကျဆုံးသူ ၈ ဦးထိ ရှိလာ
DVB
·
April 6, 2021
မွန်ပြည်နယ်မှာ ဖေဖော်ဝါရီ ၂၈ ရက်မှ ဧပြီ ၆ ရက်အထိ အကြမ်းဖက် စစ်တပ်နဲ့ ရဲတပ်ဖွဲ့ရဲ့ ပစ်ခတ်မှုကြောင့် ကျဆုံးသွားတဲ့ ပြည်သူ ၈ ဦးအထိ ရှိလာပါတယ်။
ကျဆုံးသူ ၈ ဦးအထဲမှာ ၄ ဦးဟာ သေနတ်ကျည်ဆန် ဦးခေါင်းထိမှန် သေဆုံးခဲ့တာ ဖြစ်ပြီး ကျန် ၄ ဦးကတော့ ရင်ဘတ်နဲ့ လည်ပင်းထိမှန် သေဆုံးခဲ့တာပါ။
ထူးခြားမှုအနေနဲ့ သေဆုံးသူ ၈ ဦးမှာ အသက် ၁၁ နှစ်အရွယ် အမျိုးသမီးငယ် တစ်ဦး ပါဝင်ပြီး ကျန် ၇ ဦးကတော့ အမျိုးသားတွေ ဖြစ်ပါတယ်။
မြို့နယ်အလိုက် ကျဆုံးမှုမှာတော့ မော်လမြိုင်မြို့နယ်က ၅ ဦး ၊ သထုံ၊ ပေါင်နဲ့ ကျိုက်ထိုမြို့နယ် ၁ ဦးစီ ၊ စုစုပေါင်း ၈ ဦးကျဆုံးထားတာ ဖြစ်ပါတယ်။
ကျဆုံးသူ ၈ ဦးမှာတော့ အသက်အကြီးဆုံးအဖြစ် ၅၆ နှစ်အရွယ် အမျိုးသား တစ်ဦးသာ ပါဝင်ပြီး ကျန် ၇ ဦးကတော့ လူငယ်တွေပဲ ဖြစ်နေတာပါ။
