စစ်ကိုင်းတိုင်းဒေသကြီး စစ်ကိုင်းမြို့ အမှတ်(၁၀၆) ယာဉ်ထိန်းရဲတပ်ဖွဲ့စုမှူးရုံး(စစ်ကိုင်း)မှ လ/၁၇၇၃၆၁ ရဲတပ်ကြပ်ကြီး မျိုးဝင်းဟာ  မတ် ၃၁ ရက်ကစတင်ပြီး အာဏာဖီဆန်ရေးလှုပ်ရှားမှု (CDM) မှာ ပူးပေါင်းပါဝင်ခဲ့တယ်လို့ သိရပါတယ်။

ရဲတပ်ကြပ်ကြီး မျိုးဝင်းဟာ CDM မှာ ပါဝင်ခဲ့ပြီး မတ်လအတွက် လစာလည်း ထုတ်ယူမသွားပါဘူးလို့ သိရပါတယ်။

မြန်မာနိုင်ငံ ရဲတပ်ဖွဲ့မှာ ၁၉၉၆ ခုနှစ်ကစပြီး ၂၅ နှစ်ကြာ တာဝန်ထမ်းဆောင်ခဲ့ကြောင်း၊ အခုအခါ ပြည်သူအကြားမှာ ရဲတပ်ဖွဲ့ဝင်အဖြစ် ရဲရဲဝံ့ဝံ့ ရပ်တည်နိုင်ဖို့နဲ့ စစ်ကောင်စီအုပ်ချုပ်ရေးကာလမှာ ပြည်သူချစ်တဲ့ ရဲတပ်ဖွဲ့ဝင်အဖြစ် ရပ်တည်ဖို့ အာမခံချက် မရှိတော့တာကြောင့် အခုလို CDM မှာ ပူးပေါင်းပါဝင်တာလို့ ရဲတပ်ကြပ်ကြီး မျိုးဝင်းရဲ့ ယာဉ်ထိန်းရဲတပ်ဖွဲ့မှူးရုံးဆီ ပေးပို့တဲ့စာမှာ ဖော်ပြထားပါတယ်။