ကရင်စစ်ပြေးဒုက္ခသည်များကို ထိုင်းစစ်တပ်က ပြန်မောင်းထုတ်
DVB
·
March 30, 2021
ကရင်စစ်ပြေးဒုက္ခသည်များကို ထိုင်းစစ်တပ်က ပြန်မောင်းထုတ်DVB ထိုင်းနိုင်ငံကို ထွက်ပြေးခိုလှုံလာတဲ့ ကရင်စစ်ဘေးရှောင်တွေကို ထိုင်းစစ်တပ်က မိမိနေရပ်သို့ပြန်ထွက်ခွာဖို့ မောင်းထုတ်လိုက်တယ်လို့ ဒီဖြစ်စဥ်ကို ရုပ်သံ မှတ်တမ်းရိုက်ကူးနေသူ တစ်ဦးက ပြောပါတယ်။
ပြီးခဲ့တဲ့ မတ်လ ၂၇ ရက်နေ့မှာ KNU/KNLA တပ်မဟာ ၅ နယ်မြေကို အာဏာသိမ်း စစ်ကောင်စီရဲ့ လေတပ်က ဗုံးကျဲတိုက်ခိုက်ခဲ့တာကြောင့် ကရင်ပြည်သူတွေ ထောင်နဲ့ချီပြီး သံလွင်မြစ်တဘက်ကမ်း ထိုင်းနိုင်ငံဘက်မှာ ယာယီ စစ်ပြေးရှောင်ခိုလှုံနေကြတာပါ။
မတ်လ ၂၉ ရက်နေ့မှာ စစ်ကောင်စီတပ်နဲ့ KNU တိုက်ပွဲမရှိတော့ဘူးဆိုတဲ့အကြောင်းပြချက်နဲ့ ထိုင်းစစ်တပ်က ကရင်စစ်ဘေးရှောင်တွေကို မြန်မာပြည်ဘက် ပြန်ခိုင်းနေတာဖြစ်တယ်။
