ကေအန်ယူ ထိန်းချုပ်နယ်မြေ ကြာအင်းဆိပ်ကြီးမြို့နယ် ကျုံခ၀န်ကျေးရွာမှာ မတ်လ ၂၃ ရက် မနက်ပိုင်းက စစ်အာဏာရှင်တော်လှန်ရေး ကြွေးကြော်သံနဲ့အတူ ငြိမ်းချမ်းစွာ  ဆန္ဒပြခဲ့ပါတယ်။

စစ်အာဏာသိမ်း​ပြီးနောက်ပိုင်း ကေအန်ယူထိန်းချုပ်နယ်မြေအတွင်းက ကျေးရွာတွေအနှံ့ ဆန္ဒပြပွဲတွေကို နေ့စဥ်ပြုလုပ်လာခဲ့တာဖြစ်သလို စစ်အာဏာရှင် ပြုတ်ကျတဲ့အထိ တော်လှန်သွားမှာဖြစ်လို့  ဘယ်လိုအတားအဆီးမဆို ကျော်လွှာသွားမယ်လို့ ဆန္ဒပြပြည်သူတစ်ဦးက ဆိုပါတယ်။

ဆန္ဒပြသပိတ်စစ်ကြောင်းမှာ CDM မှာပါဝင်တဲ့ ဆရာ ဆရာမတွေ၊ G-Z လူငယ်တွေ၊ ဒေသခဲတိုင်းရင်းသားတွေ၊ စစ်အာဏာရှင်စနစ်ကို ဆန့်ကျင်သူတွေက ကျေးရွာလမ်းမကြီး တလျှောက်  ကြွေးကြော်သံတွေနဲ့အတူ ငြိမ်းချမ်းစွာ  လှည့်လည်ဆန္ဒပြခဲ့ကြပါတယ်။