မူဆယ်၊ နမ့်ခမ်း၊ လားရှိုး၊ သီပေါ မြို့တို့မှာ မတ်လ ၂၂၊ ၂၃ ရက်နေ့တွေမှာ ပုံစံအမျိုးမျိုးနဲ့ စစ်အာဏာရှင်စနစ်ကို ဆက်လက် ဆန့်ကျင် ဆန္ဒပြခဲ့ကြတယ်လို့ ပါဝင်သူတွေက ပြောပါတယ်။
မူဆယ်ဆယ်မှာတော့ ပိုစတာကမ်ပိန်း၊ လှည့်သပိတ်နဲ့ စတစ်ကာ ကမ်ပိန်းတွေကို ပြောက်ကျား စနစ်နဲ့ ငြိမ်းချမ်းစွာ ဆန္ဒဖော်ထုတ်ခဲ့ကြတယ်လို့ ဆိုပါတယ်။
နမ့်ခမ်းမှာလည်း ဆိုင်ကယ် အင်အား ၁၅၀ ဝန်းကျင်နဲံ သပိတ်စစ်ကြောင်း ချီတက်ခဲ့ကြပြီး ရဲတပ်ဖွဲ့နဲ့ စစ်တပ်တို့ လိုက်လံဖြိုခွင်းမှုကို ထိပ်တိုက် မတွေ့အောင် ရှောင်ပြီး ငြိမ်းချမ်းစွာ ဆန္ဒ ပြခဲ့ကြတယ်လို့ ပါဝင်သူတွေက ပြောပါတယ်။
လားရှိုးမြို့မှာလည်း လူမဲ့သပိတ်ကို ပြောက်ကျားစနစ်နဲံပြုလုပ်ပြီး ည ၈ နာရီ သံပုံးတီးတာကိုလည်း ညစဥ်မပြတ် ပြုလုပ်ကာ အာဏာသိမ်းတာကို ငြိမ်းချမ်းစွာ ဆန့်ကျင် ဆန္ဒဖော်ထုတ်နေကြပါတယ်။
သီပေါမြို့မှာလည်း အရုဏ်ဦးသပိတ်၊ ဆိုင်ကယ် သပိတ်၊ လူမဲ့သပိတ်၊ ရေနစ် သပိတ်၊ ည သပိတ်၊ ဝိညာဥ် သပိတ်တွေကို ပြောက်ကျားစနစ်နဲ့ စစ်အာဏာရှင်စနစ်ကို ဆန့်ကျင်ကြောင်း အရှိန်မပြတ် ငြိမ်းချမ်းစွာ ဆန္ဒဖော်ထုတ်နေတယ်လို့ ပါဝင်သူတစ်ဦးက ပြောပါတယ်။
ရဲတပ်ဖွဲ့နဲ့ စစ်တပ်က လူစုဝေး ဆန္ဒမပြဖို့နဲ့ လူစုဆန္ဒပြပါက အင်အားသုံး ဖြိုခွင်းသွားမှာ ဖြစ်ကြောင်း သတိပေးတာတွေရှိပြီး ငြိမ်းချမ်းစွာ ဆန္ဒဖော်ထုတ်ခြင်းကို လိုက်လံတားဆီးတာ၊ ဖမ်းဆီးတာ၊ ဖုန်းတွေကို စစ်ဆေးတာတွေ ပြုလုပ်နေတယ်လို့ သိရပါတယ်။
