အဏာသိမ်း အကြမ်းဖက်စစ်အုပ်စုရဲ့ အကြိမ်ကြိမ်ပစ်ခတ်သတ်ဖြတ် ဖြိုခွင်းနေတဲ့ကြားက ပဲခူးမြို့မှာ စစ်အာဏာရှင်ဆန့်ကျင်ရေးလူထုလှုပ်ရှားမှုတွေကို မတ်လ ၂၂ ရက်နေ့ကလည်း ဆက်လက် လုပ်ဆောင်ခဲ့ကြပါတယ်။
စစ်ကောင်စီရဲ့လက်နက်ကိုင်တပ်ဖွဲ့တွေက လမ်းတွေမှာလည်း တွေ့ရာမြင်ရာကို ပစ်ခတ်နေကြပြီး ပြည်သူတွေကို အကြောက်တရားနဲ့ အုပ်ချုပ်ဖို့ကြိုးစားနေပါတယ်။
ဒါပေမဲ့ ဒီနေ့အထိ တိုင်းအဆင့်၊ ခရိုင်အဆင့်သာမက အောက်ခြေ ရပ်ကျေးအဆင့်မှာပါ စစ်ကောင်စီကခန့်ထားတဲ့ အုပ်ချုပ်ရေးမှူးတွေ အုပ်ချုပ်ခွင့်မရရှိသေးသလို နေရာအနှံ့အပြားမှာလည်း စစ်အာဏာရှင်ပြုတ်ကျရေး ဆန္ဒဖော်ထုတ်မှုတွေကို ပြည်သူတွေက ပုံသဏ္ဍာန်မျိုးမျိုးနဲ့ နေ့ရောညပါ ပြုလုပ်နေတာ မြင်တွေ့ရပါတယ်။
ဒီကနေ့မနက်မှာလည်း ပဲခူးမြို့မှာ စစ်တပ်နဲ့ရဲတပ်ဖွဲ့ကို ထိပ်တိုက်မတွေ့အောင် ရှောင်ရှားပြီး စစ်အာဏာရှင်ဆန်ကျင်ရေး သပိတ်စစ်ကြောင်းကို အလွှာအသီးသီးက ပြည်သူတွေပါဝင်မှုနဲ့ အောင်အောင်မြင်မြင် ဆန္ဒထုတ်ဖော်ခဲ့ကြပါတယ်။
