မန္တ​လေးတိုင်း၊ မိုးကုတ်မြို့အ​နောက်ပိုင်း၊ ကျပ်ပြင်အုပ်စု၊ ပန်းမအောက်ရပ်မှာ မတ်လ ၁၆ ရက်​​က စစ်တပ်ရဲ့ အကြမ်းဖက် ပစ်ခတ်မှု​ကြောင့် ကျည်ထိမှန်သူတစ်ဦးကို ပြင်ဦးလွင် စစ်​ဆေးရုံသို့ ​ခေါ်​ဆောင်သွားပြီး ဆက်သွယ်ခွင့်မ​ပေးတဲ့အတွက် မိသားစုက  စိုးရိမ်ပူပန်နေပါတယ်။

အသက် ၂၇ နှစ် အရွယ် ကို​နေမျိုး (ခ) ​မောင်​လေးဟာ နာ​ရေးအိမ်တစ်ခုကို သွား​ရောက်​နေခိုက် စစ်တပ်က အဆိုပါရပ်ကွက်အတွင်း ဝင်​ရောက်ပစ်ခတ်ရာက ကျည်ထိမှန်ခဲ့တာလို့ သိရပါတယ်။

ခါးဒဏ်ရာနဲ့ ​ပေါင်မှာ ကျည်ထိ ဒဏ်ရာ​တွေရရှိခဲ့တဲ့ ကို​နေမျိုးကို စစ်​ဆေးရုံကို ​ခေါ်​ဆောင်သွားပြီး မိသားစုနဲ့ ​တွေ့ခွင့် မ​ပေးတဲ့အ​ပေါ်မှာ မိုးကုတ်မြို့၊ တအာင်းပ​လောင်လူငယ်​တွေက ပြင်းပြင်းထန်ထန် ကန့်ကွက် ရှုတ်ချတယ်လို့ ​ကြေညာချက်ထုတ်ပြန်ထားပါတယ်။

"စစ်​ဆေးရုံမှာ ​​ခေါ်သွားပြီးမှ မိသားစုဝင်​တွေကို ​ဆေးရုံမှာ မထားဘဲနဲ့ ရပြီဆို ပြန်ခိုင်းပြီး​တော့ မိသားစုဝင်​တွေနဲ့ သူတို့ကို အနီးကပ် ​စောင့်​ရှောက်ခွင့် မ​ပေးဘူးဗျ"လို့ တအာင်းပ​လောင် လူငယ်တစ်ဦးက ​ပြောပါတယ်။

လတ်တ​လောမှာ အ​ကြောင်းမဲ့ ပစ်ခတ်ခံခဲ့ရတဲ့ ကို​နေမျိုးအတွက် ​ရှေ့​နေ ငှားရမ်းထားဖို့ကိုလည်း စစ်တပ်ဘက်က​နေ မိသားစုထံ အ​ကြောင်းကြားလာတယ်လို့ သိရပါတယ်။