ပစ်ခတ်မှုများကြားက မိုးကုတ်တွင် ထိုင်သပိတ်နှင့် ပြောက်ကျားသပိတ် ဆက်လက်ပြုလုပ်
DVB
·
March 17, 2021
DVB
မန္တလေးတိုင်း ဒေသကြီးမိုးကုတ်မြို့မှာ မတ်လ ၁၇ရက်နေ့က စစ်အာဏာရှင်ဆန့်ကျင်ရေး ပြည်သူတွေဟာ ထိုင်သပိတ်နဲ့ ရပ်ကွက်အလိုက် ပြောက်ကျားသပိတ်ကို ရဲနဲ့စစ်သားတွေ အကြမ်းဖက်ဖြိုခွင်းမှုတွေရှိနေပေမယ့် အောင်မြင်စွာပြုလူပ်ဆန္ဒပြခဲ့ပါတယ်။
အကြမ်းဖက်လက်နက်ကိုင် ရဲနဲ့စစ်သားတွေက ရပ်ကွက်ထဲထိ လိုက်လံပစ်ခတ်ကာ ပြည်သူတွေရဲ့ ဆိုင်ကယ်တွေကို ယူတာကြောင့် မိုးကုတ်ရပ်ကွက်လမ်းတွေမှာ ပြည်သူတွေက ပိတ်ဆို့တားဆီးထားကြတယ်လို့ ဒေသခံတဦးက ပြောပါတယ်။
မတ် ၁၆ ရက်နေ့ညက ရဲတွေဟာ ရပ်ကွက်ထဲထိ ဝင်ရောက်ပစ်ခတ်တာကြောင့် အမျိုးသား ၁ ဦး ပေါင်ကို ကျည်အစစ် ထိမှန်ခဲ့တယ်လို့ လူမှုကူညီရေးအသင်းတခုက သိရပါတယ်။
