မန္တလေးမြို့မှာ မတ်လ ၁၁ ရက်က စစ်အာဏာရှင်အလိုမရှိကြောင်း ဆန္ဒထုတ်ဖော်တဲ့ သပိတ်စစ်ကြောင်းတစ်ခုကို စစ်တပ်နဲ့ရဲက အကြမ်းဖက်ရိုက်နှက်ပစ်ခတ် ဖြိုခွဲရာမှာ ကျောင်းသား ၁ ဦး သေဆုံးခဲ့ပါတယ်။
လမ်း ၉၀၊ ၃၀X ၃၁ လမ်းအနီး ငြိမ်းချမ်းစွာဆန္ဒထုတ်ဖော်တဲ့ ပြည်သူလူထုတွေကို အာဏာသိမ်းစစ်အုပ်စုရဲ့ လက်နက်ကိုင် အကြမ်းဖက်တပ်တွေက အသံမိုင်းတွေခွဲတာ၊ ကျည်အစစ်နဲ့ပစ်ခတ်၊ ဒုတ်တွေနဲ့ ရိုက်နှက်တာတွေ ပြုလုပ်ခဲ့တာပါ။
သေဆုံးသွားသူဟာ အသက် ၁၉ နှစ်အရွယ် ဘူမိဗေဒ ဒုတိယနှစ်ကျောင်းသား ကိုလင်းထက်ဖြစ်ပြီး ဆန္ဒပြပြည်သူတချို့လည်း ဖမ်းဆီးခံခဲ့ရပါတယ်။

Photo - Myo Thiha Kyaw / MPA