မန္တလေးတွင် ရပ်ကွက်အလိုက် ထိုင်သပိတ်များ ဆင်နွှဲ
DVB
·
March 6, 2021
မန္တလေးမြို့က ရပ်ကွက်အလိုက် ထိုင်သပိတ်တွေကို မတ်လ ၆ ရက်နေ့ မနက်ပိုင်းက စတင်ပြီး လုပ်ဆောင်ခဲ့ပါတယ်။
သပိတ် အခမ်းအနားမှာ ကျဆုံးခဲ့သူတွေကို အလေးပြုခြင်းနဲ့ ငြိမ်သက်ခြင်း အစီအစဉ်တွေ၊ စစ်အာဏာရှင် အလိုမရှိကြောင်း ကြွေးကြော်တာတွေလည်း လုပ်ဆောင်ခဲ့ကြပါတယ်။
စစ်အာဏာရှင် ဆန့်ကျင်ရေး ဆန္ဒပြသူတွေနဲ့ ထိုင်သပိတ်တွေကို စစ်တပ်နဲ့ ရဲကလည်း နေရာအနှံ့မှာ လိုက်လံ ဖမ်းဆီးတာတွေ လုပ်ဆောင်နေဆဲဖြစ်ပါတယ်။
ရပ်ကွက်အလိုက် ထိုင်သပိတ်တွေကို တစ်နိုင်ငံလုံးမှာ လုပ်ဆောင်ကြဖို့ နှိုးဆော်နေတာတွေလည်း ရှိပါတယ်။
