Homeမြန်မာသတင်း
ကလေးမြို့၌ သပိတ်စစ်ကြောင်းကို စစ်တပ်နှင့်ရဲက ပစ်ခတ်ဖြိုခွင်း၊ အမျိုးသား ၅ ဦး ကျည်ထိမှန် ၃ ဦး အပြင်းထန်ဒဏ်ရာရ
ကလေးမြို့၌ သပိတ်စစ်ကြောင်းကို စစ်တပ်နှင့်ရဲက ပစ်ခတ်ဖြိုခွင်း၊ အမျိုးသား ၅ ဦး ကျည်ထိမှန် ၃ ဦး အပြင်းထန်ဒဏ်ရာရ
DVB
·
March 2, 2021
ကလေးမြို့မှာ မတ်လ ၂ ရက်နေ့မနက်က စစ်အာဏာရှင်တော်လှန်ရေးသပိတ် စစ်ကြောင်းကို စစ်တပ်နဲ့ ရဲက အကြမ်းဖက် ပစ်ခတ်ဖြိုခွင်းခဲ့တာကြောင့်အမျိုးသား ၅ ယောက် ကျည်ဆန် ထိမှန်ခဲ့ပြီး ၃ ယောက်က အပြင်း အထန် ဒဏ်ရာရခဲ့ပါတယ်။
ဒဏ်ရာရသူ ၅ ယောက်ထဲက ၂ ယောက်ကို ကာယကံမေတ္တာ အခမဲ့ဆေးခန်းမှာ အသေးစား ကုသပေးနေပြီး ဒဏ်ရာပြင်းထန်သူ ၃ ယောက် ကိုတော့ Royal City ပုဂ္ဂလိက ဆေးရုံမှာ ကုသပေးနေပါတယ်။
ဒဏ်ရာပြင်းထန်ရရှိသူတွေဟာ ပေါင်၊ ရင်ဘတ်နဲ့ ချိုင်းအောက် နေရာတွေမှာ ကျည်ထိမှန် ဒဏ်ရာရခဲ့တာပါ။
ဒီကနေ့ ကလေးမြို့ ပစ်ခတ်ဖြိုခွင်းမှုဖြစ်စဉ်မှာ သေဆုံးသူ ရှိတယ်လို့ သတင်းတွေထွက်နေပေမဲ့ ဒီသတင်းတွေကို ဒီဗွီဘီအနေနဲ့ အတည်ပြုနိုင်ခြင်းတော့ မရှိသေးပါတယ်။
မင်းရဲစစ်နိုင်
