ပြည်မြို့ ဆန္ဒပြသူများကို ရဲနှင့်စစ်တပ် ပစ်ခတ်ဖြိုခွင်း၊ ၂ ဦး ဒဏ်ရာရ
DVB
·
February 28, 2021
ပြည်မြို့မှာ စစ်အာဏာရှင်ဆန့်ကျင်ရေး ငြိမ်းချမ်းစွာ ဆန္ဒဖော်ထုတ်သူတွေကို ပစ်ခတ်ဖြိုခွင်းခံရပြီး ၂ ဦး ဒဏ်ရာရခဲ့ပါတယ်။
သေနတ်ပစ်သံအချက် ၆၀ လောက်ကြားရပြီး လူနှစ်ယောက် လဲကျနေတာတွေ့လို့ လူမှုကူညီရေးအသင်းက သွားရောက်သယ်ဆောင်ပြီး ဆေးရုံပို့ပေးခဲ့တယ်လို့ သိရပါတယ်။
ဒဏ်ရာရသူ နှစ်ယောက်ထဲက ကိုဇေယျာမြင့်ကတော့ (သတင်းထောက် - မြေလတ်အသံနဲ့ ကရုဏာသိဒ္ဓိသာရေးနာရေးအသင်း) လည်ပင်းနဲ့ မျက်နှာ ရာဘာကျည်ထိမှန်ခဲ့ဒဏ်ရာရခဲ့ကာ နောက်တစ်ဦးကတော့ မီးလောင်ဗုံးထိမှန်ဒဏ်ရာရတာဖြစ်ပြီး ထိခိုက်သူနှစ်ဦးစလုံးကို ပြည်မြန်မာဆေးရုံကို ပို့ဆောင်ထားပါတယ်။
