မြတောင်တိုက်ရှေ့ ဆန္ဒပြသူများကို လုံခြုံရေးတပ်ဖွဲ့ဝင်များက ဖြိုခွင်းရန်ကြိုးပမ်း
DVB
·
February 27, 2021
မန္တလေးမြို့ ၃၅ လမ်း မြတောင်းတိုက်ရှေ့မှာ စစ်တပ်နဲ့ ရဲတပ်ဖွဲ့က ဖေဖော်ဝါရီ ၂၇ ရက် မွန်းလွဲပိုင်းက စစ်အာဏာရှင်ပြုတ်ကျရေး တောင်းဆိုဆန္ဒပြတဲ့ သံဃာတော်တွေနဲ့ လူပုဂ္ဂိုလ်တွေကို လာရောက် ဖြိုခွင်းဖို့ လုပ်ခဲ့ပါတယ်။
လာရောက်မဖြိုခွင်းခင်ကတည်းက ဆရာတော် သံဃာတော်တွေနဲ့ လူပုဂ္ဂိုလ်တွေဟာ လူစုခွဲပြီးဖြစ်တဲ့အတွက် ဖမ်းဆီးခံရသူမရှိခဲ့ပါဘူး။
ဒီလို ဖမ်းဆီးခံရသူမရှိခဲ့ပေမယ့် မြတောင်ကျောင်းတိုက်နေ ဘုန်းကြီးကျောင်းသား တစ်ဦးကို စစ်တပ်နဲ့ ရဲတပ်ဖွဲ့က လေးခွနဲ့ ထုတာကြောင့် နဖူးကွဲသွားခဲ့ပါတယ်။
ဒါ့အပြင် စစ်တပ်နဲ့ ရဲတပ်ဖွဲ့က ဆုပ်ခွါသွားရာ လမ်းတစ်လျှောက်မှာရှိတဲ့ သူတွေကို လေးခွနဲ့ ထုတာကို တွေ့ရှိရပါတယ်။
