လှည်းတန်းတွင် ဆန္ဒပြလူထုကို ရဲက ဒုတိယအကြိမ်ထပ်မံ အကြမ်းဖက်ဖြိုခွင်းဖမ်းဆီး
DVB
·
February 26, 2021
ရန်ကုန်မြို့ စစ်အာဏာရှင်ကို ဆန့်ကျင်ဆန္ဒပြသူတွေစုဝေးတဲ့ လှည်းတန်းလမ်းဆုံမှာ ရဲက ပြည်သူလူထုကို ဒုတိယအကြိမ်ထပ်မံအကြမ်းဖက်ဖြိုခွင်းပြီး ငြိမ်းချမ်းစွာ ဆန္ဒပြတဲ့ ပြည်သူတွေကို ထပ်မံ ဖမ်းဆီးနေပါတယ်။
ရန်ကုန်လှည်းတန်းလမ်းဆုံမှာ ဆန္ဒပြတဲ့လူငယ်တွေကို လက်နက်ကိုင် ရဲတပ်ဖွဲ့က ဒီနေ့မနက် အင်အားသုံးပြီး ရိုက်နှက်ဖြိုခွင်း ပစ်ခတ်ဖမ်းဆီးခဲ့တဲ့အပြင် မွန်းလွဲ ၂နာရီခွဲလောက်မှာလည်း နောက်တကြိမ် ထပ်မံအင်အားသုံးဖြိုခွင်းပြီး ထပ်မံဖမ်းဆီးသွားတာ တွေ့ရပါတယ်။
တက္ကသိုလ်ရိပ်သာလမ်းဘက်မှာလည်း ချီတက်ပြေးဝင်လာတဲ့ရဲတွေဟာ လမ်းပေါ်က ပြည်သူလူထုတွေကို ရိုက်နှက်ခေါ်ဆောင်သွားတာတွေ့ရပါတယ်။ မွန်းလွဲ ၃နာရီလောက်မှာ တော့ အချုပ်ကားထဲမှာ လူ ၁၀ယောက်ထက်မနည်း ပါသွားတာ တွေ့ရပါတယ်။
