CDM ဝန်ထမ်းတွေကို ဖိအားပေးခြိမ်းခြောက်တဲ့ စစ်ကိုင်းတိုင်းက ဌာနဆိုင်ရာတာဝန်ရှိသူတွေကို ပြည်သူ့သစ္စာဖောက်တွေအဖြစ် မုံရွာလုထုသပိတ်တိုက်ပွဲ ဦးဆောင်ကော်မတီက ဒီနေ့ သတ်မှတ်ကြေညာလိုက်ပါတယ်။

ဌာနအသီးသီးက CDM  ပိတ်ပင်တဲ့ အရာရှိ ၁၁ ဦးကို အမည်၊ ရာထူး၊ ဌာနတွေနဲ့တကွ ဗီနိုင်းပိုစတာတွေ တွေထုတ်ပြီး လူထုကို ချပြခဲ့တာပါ။ 

ဒါ့အပြင် အဆိုပါအရာရှိတွေကို လူမှုရေး၊ စီးပွားရေး၊ သာရေး၊ နာရေး အားလုံးမှာ အဆက်အဆံမလုပ်ကြဘဲ လူ့အသိုင်းအဝိုင်းကနေ ဝိုင်းကြဉ်ကြဖို့ သပိတ်ကော်မတီက တောင်းဆိုခဲ့ပါတယ်။ 

အလားတူကျန်ရှိနေသူတွေကို ထပ်မံဖော်ထုတ်သွားမှာဖြစ်ကာ အများမြင်သာအောင် လူစည်ကားရာ နေရာတွေမှာ Vinyl တွေ ချိတ်ဆွဲပေးသွားမယ်လို့ ဆိုပါတယ်။  ဒီကနေ့ မုံရွာမြို့ မှာ ပြုလုပ်တဲ့  ၂ ငါးလုံးလူထုလှုပ်ရှားမှုကို လူအင်အားသန်းနဲ့ချီ ပူးပေါင်းပါဝင်ခဲ့ကြပါတယ်။