ပုသိမ်တွင် ရဲတပ်ဖွဲ့တားမြစ်မှုကြားက ပြည်သူအင်အား ၅ သိန်းကျော် ဆက်လက်ဆန္ဒပြ
DVB
·
February 22, 2021
ဧရာဝတီတိုင်း၊ ပုသိမ်မြို့မှာ ဖေဖော်ဝါရီလ ၂၁ ရက်နေ့ မနက် ၈ နာရီအချိန်ကစတင်ပြီး ဒီမိုကရေစီပြန်လည်ရရှိရေးနဲ့ အာဏာရှင်စနစ်ကျဆုံးရေး၊ ဖမ်းဆီးခံထားရသူတွေ ပြန်လွှတ်ပေးရေး မြို့ခံပြည်သူတွေ တက္ကသိုလ်ကျောင်းသားတွေနဲ့ ဝန်ထမ်းတွေပူးပေါင်းပြီး လူအင်အား ၅ သိန်းကျော်က ဆန္ဒပြခဲ့ပါတယ်။
စစ်အာဏာရှင်ဆန့်ကျင်ရေး ဆန္ဒပြသူတွေကို ရဲတပ်ဖွဲ့က လာရောက်ပြီး လူစုခွဲဖို့ ပြောဆိုခဲ့ပေမယ့် ပြည်သူတွေ၊ တက္ကသိုလ်ဘာသာပေါင်းစုံ သပိတ်နဲ့ ဆရာ ဆရာမတွေ အားလုံးပေါင်းကာ ပုသိမ်မြို့ပေါ်လမ်းတွေကို လှည့်လည်ဆန္ဒပြခဲ့ကြတာပါ။
စစ်အာဏာရှင် ဆန့်ကျင့်ရေးဆန္ဒပြတဲ့ စစ်ကြောင်းဟာ မြို့တွင်းလမ်းတွေမှာ လုံခြုံရေးရယူထားတဲ့ ရဲတပ်ဖွဲ့ဝင်တွေနဲ့ မြို့တော်ခန်းမရှေ့မှာ ထိပ်တိုက်တွေ့ဆုံတာတွေရှိခဲ့လို့ ရဲတပ်ဖွဲ့ဝင်နဲ့ ညှိနှိုင်းတာတွေပြုလုပ်ပြီး ရှေ့ဆက်နိုင်ခဲ့တယ်လို့ သိရပါတယ်။
မင်းထက်မုန်း
