စစ်ကိုင်းတိုင်း ယင်းမာပင်မြို့မှာ ​ဖေ​ဖော်ဝါရီ  ၂၁ ရက်​က ပြုလုပ်တဲ့ အာဏာသိမ်း စစ်​ကောင်စီဆန့်ကျင်ဆန္ဒပြပွဲ CDM မှာပါဝင်တဲ့ ပြည်သူ့ဝန်ထမ်းတွေကို ​စျေးသူ​၊ စျေးသား​တွေနဲ့ပြည်သူ​​တွေက စု​ပေါင်းပြီး စား​သောက်ကုန်ပစ္စည်း​တွေ ​​ထောက်ပံ့ပေး​ဝေလှူဒါန်းခဲ့ ကြပါတယ်။

ထောက်ပံ့ကူညီလှူဒါန်းမှုမှာပါဝင်တဲ့ ​စျေးသူတစ်ဦးက "ဝန်ထမ်း​တွေ ကျမတို့နဲ့အတူ ရပ်တည်လာလို့ မိသားစုစိတ်ဓာတ်နဲ့ သူတို့ စိတ်အားမငယ်​အောင်လို့ အခုလို ပြည်သူ​တွေစု​ပေါင်းပြီး တတ်နိုင်သ​လောက် ပံ့ပိုးကူညီခဲ့တာပါ။ တချို့ ဝန်ထမ်း​တွေကလည်း တခြားပြည်သူ​တွေကို ​ရစေချင်လို့ မယူကြဘဲ ပြန်လှူခဲ့ကြတယ်” လို့ ပြောပါတယ်။

လှူဒါန်းပံ့ပိုးခဲ့တာ​တွေက​တော့ ဆန် ၁ ပြည်၊ ကြက်သွန် ၁ ပိဿာ၊ ခရမ်းချဥ်သီး ၁ ပိဿာ ဖြစ်ပြီး ၁ မျိုးကို အထုပ် ၁၅၀ ရှိတယ်လို့ သိရပါတယ်။