ဖျာပုံသပိတ်ကော်မတီက မမြသွဲ့သွဲ့ခိုင်ကို အာဇာနည်တစ်ဦးအဖြစ် ဂုဏ်ပြုမှတ်တမ်းတင်
DVB
·
February 20, 2021
နေပြည်တော်က အာဏာရှင်စနစ်ဆန့်ကျင်ရေး ဆန္ဒပြပွဲမှာ ရဲတပ်ဖွဲ့ရဲ့ ပစ်ခတ်မှုကြောင့် ဦးခေါင်းသေနတ်ထိမှန်ပြီး ကျဆုံးခဲ့တဲ့ မမြသွဲ့သွဲ့ခိုင်ကို ဖျာပုံမြိုနယ်လုံးဆိုင်ရာ အထွေထွေသပိတ် ဖြစ်မြောက်ရေးဦးဆောင်ကော်မတီက အာဇာနည်တစ်ဦးအဖြစ် ဂုဏ်ပြုမှတ်တမ်းတင် ဦးညွတ်အလေးပြုကြောင်း ထုတ်ပြန်လိုက်ပါတယ်။
ဖေဖော်ဝါရီ ၂၀ ရက်နေ့မနက်ပိုင်းက ဖျာပုံမြို့ ဗိုလ်ချုပ်ကြေးရုပ်တုမှာ ပြုလုပ်တဲ့ အခမ်းအနားမှာ ဖျာပုံမြို့နယ်လုံးဆိုင်ရာ အထွေထွသပိတ်ဖြစ်မြောက်ရေးဦးဆောင်ကော်မတီက ထုတ်ပြန်ခဲ့တာပါ။
မမြသွဲ့သွဲ့ခိုင်အား ဝမ်းနည်းခြင်းအထိမ်းအမှတ်အဖြစ် ပန်းခွေချ အခမ်းအနားကိုလည်း ဗိုလ်ချုပ်ကြေးရုပ်တုမှာ ဒီကနေ့မနက် ကျင်းပခဲ့ပါတယ်။
ကျော်စိုးမိုး(ဖျာပုံ)
