ပဲခူးတိုင်း မိုးညိုမြို့မှာ ဖေဖောဝါရီ ၁၉ ရက် စစ်အာဏာရှင်ဆန်ကျင်ရေးလှုပ်ရှားမှု ၁၇ ရက်မြောက်နေ့မှာတော့ ပညာရေးဝန်ထမ်း ၆၀၀ အပါအဝင် အင်အား သောင်းချီဆန္ဒပြခဲ့ကြပါတယ်။
ပညာရေးဝန်ထမ်းတွေဟာ “ကျနော်တို့သည် မိုညိုမြို့နယ်မှာ ပညာရေးဝန်ထမ်းများဖြစ်ပါသည်၊ ၂၀၂၀အထွေထွေရွေးကောက်ပွဲကြီးတွင် မဲရုံတာဝန်များကို မဲမသမာမှု ကင်းရှင်စွာဖြစ် သမာသမတ်ကျစွာဆောင်ရွက်ခဲ့သူများဖြစ်ပါသည်ဟု သစ္စာစကားဆိုပါသည်။ ဤမှန်ကန်သော သစ္စာစကားကြောင့် စစ်အာဏာရှင်စနစ် အမြန်ဆုံးကျရှုံးပါစေ" ဟု ကြွေးကြော်ခဲ့ကြပါတယ်။
စစ်အာဏာရှင် ဆန့်ကျင်ရေးဆန္ဒပြသူတွေကလည်း မြို့တွင်းလူစည်းကားရာ လမ်းမတွေ ပေါ်မှာ ဆန္ဒထုတ်ဖော်ပြီး မြို့နယ်ပညာရုံးမှူးရှေ့မှာလည်း CDM မှာ ပူးပေါင်းပါဝင်ဖို့ တောင်းဆိုခဲ့ကြပါတယ်။
မိုးညိုမြို့နယ်မှာ စစ်အာဏာရှင်ဆန့်ကျင်ရေး ဆန္ဒထုတ်ဖော်လာတာ ၁၇ ရက်မြောက် ရှိလာပြီး ဆန္ဒထုတ်ဖော်သူတွေကိုတော့ ဖမ်းဆီးသွားတာ မရှိသေးဘူးလို့ သိရပါတယ်။
သက်နိုင်ဝင်း
