ဒီမိုကရေစီရရှိရေး အင်းတော် ဝန်ထမ်းနှင့်ဒေသခံများ ဆန္ဒပြ
DVB
·
February 19, 2021
စစ်ကိုင်းတိုင်း ကသာခရိုင် အင်းတော်မြို့မှာ စစ်အာဏာရှင်ဆန့်ကျင်ရေး ၁၂ ရက်မြောက်နေ့အဖြစ် ဝန်ထမ်းနဲ့ ဒေသခံပြည်သူတွေ မြို့တွင်းလှည့်လည် ဆန္ဒထုတ်ဖော်ခဲ့ကြပါတယ်။
အင်းတော်-ဗန်းမောက် ကားလမ်းဆုံကနေ မနက် ၉ နာရီစတင်ကာ မြို့တွင်း လှည့်လည်ခဲ့ပြီး စစ်အာဏာရှင်အစိုးရ အလိုမရှိ၊ ဒေါ်အောင်ဆန်းစုကြည်နဲ့ နိုင်ငံရေးခေါင်းဆောင်များ ချက်ချင်းလွှတ်၊ ပြည်ထောင်စု လွှတ်တော်ခေါ်ယူရေး စတဲ့ ကြွေးကြော်သံတွေနဲ့ လှည့်လည်ခဲ့ကြပါတယ်။
အင်းတော်မြို့တွင်း လှည့်လည်ပြီး ထွေအုပ်ရုံးလမ်းထောင့်မှာ ထိုင်သပိတ်ပြုလုပ်ကာ ဆန္ဒထုတ်ဖော်ပွဲကို မနက် ၁၀ နာရီခွဲ ရုပ်သိမ်းခဲ့ပါတယ်။
သတင်း - ကိုကိုလင်း (အင်းတော်)
