Homeမြန်မာသတင်း
လွိုင်ကော်တွင် အင်အားသိန်းချီ ဆန္ဒပြ၊ ရဲတပ်ဖွဲ့ဝင် ၃ ဦး ထပ်မံပူးပေါင်းလာဖြင့် ၆၄ ဦးရှိလာ
လွိုင်ကော်တွင် အင်အားသိန်းချီ ဆန္ဒပြ၊ ရဲတပ်ဖွဲ့ဝင် ၃ ဦး ထပ်မံပူးပေါင်းလာဖြင့် ၆၄ ဦးရှိလာ
နော်နိုရင်း
·
February 14, 2021
ကယားပြည်နယ် လွိုင်ကော်မြို့မှာ ဒီကနေ့ ပြုလုပ်တဲ့ စစ်အာဏာရှင်ဆန့်ကျင် ဆန္ဒပြပွဲရဲ့ ၇ ရက်မြောက်နေ့ ဆက်လက်ကျင်းပနေပြီး ပညာရေးအပါအဝင် ဌာနအတော်များများက ဝန်ထမ်းတွေနဲ့ ပြည်သူ သိန်းချီ ပါဝင်ခဲ့ကြပါတယ်။
ဒီနေ့ ဆန္ဒပြပွဲမှာလည်း ရဲတပ်ဖွဲ့ဝင် ၃ ဦးနဲ့ စက်မှုလယ်ယာဌာနက ဝန်ထမ်းတွေ ထပ်မံပူးပေါင်းလာကြတယ်လို့ ဒီဗွီဘီနယ်ခံသတင်းထောက်က ပြောပါတယ်။
မနေ့က ဆန္ဒပြပွဲမှာတော့ လွိုင်ကော်မြို့နယ်နဲ့ ဒီးမောဆိုမြို့နယ်က ရဲတပ်ဖွဲ့ဝင်အပါဝင် ယာဉ်ထိန်းရဲတပ်ဖွဲ့ဝင် ၇ ဦး ထပ်မံပူးပေါင်းခဲ့တာကြောင့် ကယားပြည်နယ်အတွင်း အာဏာဖီဆန်ရေးလှုပ်ရှားမှု (CDM) ပါဝင်တဲ့ ရဲတပ်ဖွဲ့ဝင် ၆၄ ဦး ရှိလာပြီလို့ သိရပါတယ်။
ဖေဖော်ဝါရီလ ၁၀ ရက်နေ့တုန်းက ဆန္ဒပြပြည်သူတွေနဲ့အတူ ရဲတပ်ဖွဲ့ဝင် ၅၂ ဦးပူး ပေါင်းပါဝင်ခဲ့ပြီး ၁၁ ရက်နေ့မှာ နောက်ထပ် ၂ ဦး ပါဝင်လာခဲ့တာပါ။
