မုံရွာမြို့တွင် ၆ ရက်မြောက် အထွေထွေသပိတ်နှင့်အတူ ဆန်ကောတော်လှန်ရေးစတင်
Aung Ko Latt
·
February 11, 2021
စစ်ကိုင်းတိုင်း၊ မုံရွာမြို့အထွေထွေသပိတ်ကော်မတီက ဦးဆောင်ပြီး ၆ ရက်မြောက်အထွေထွေသပိတ် ပြုလုပ်ခဲ့ပါတယ်။
ဒီအထွေထွေသပိတ်မှာ ရဟန်းသံဃာတွေ၊ ကျောင်းသားတွေ၊ လယ်သမား၊ အလုပ်သမားတွေ၊ ကုန်သည်ပွဲစားတွေ၊ ရပ်ကျေးအုပ်ချုပ်ရေးမှုးတွေ၊ လူငယ်တွေ၊ ဌာနဆိုင်ရာအရာထမ်း၊ အမှုထမ်းတွေက စစ်အာဏာရှင်ဆန့်ကျင်တဲ့ လှုပ်ရှားမှု ပုံစံမျိုးစုံနဲ့ ပါဝင်ခဲ့ကြပါတယ်။
ဒီနေ့မှာတော့ ဆိုင်းဘုတ်မျိုးစုံ၊ ကြွေးကြော်သံမျိုးစုံ၊ ဝတ်စားဆင်ယင်မှုမျိုးစုံနဲ့ အင်အား သိန်းချီပါဝင်ခဲ့ပြီး ဌာနဆိုင်ရာတေယ်တော်များများ ပါဝင်လာခဲ့ကြပါတယ်။
ဒါ့အပြင် ဒေသထွက် ဆန်ကောတွေ၊ ခမောက်တွေကို အသုံးပြုကာ ဆန်ကောတော်လှန်ရေးကိုလည်း စတင်ခဲ့ကြပါတယ်။
ဆန်ကောတွေက ပြည်တွင်းဖြစ် လက်မှုပစ္စည်းတွေဖြစ်ပြီး အကာအကွယ်လည်း ရတာကြောင့် အသုံးပြုတာလို့ သိရပါတယ်။
