ဝိုင်းမော်မြို့တွင် ပြည်သူသောင်းချီ ဆန္ဒပြ
DVB
·
February 9, 2021
စစ်အာဏာရှင်အလိုမရှိကြောင်း ကချင်ပြည်နယ် ဝိုင်းမော်မြို့မှာ ဒီနေ့မနက်ပိုင်း ပြည်သူသောင်းချီ ဆန္ဒဖော်ထုတ်နေကြပါတယ်။
မူလက မြစ်ဆိပ်မှာ စုရပ်အဖြစ် ကြေညာထားပေမဲ့ ရဲတွေ ရောက်ရှိနေတာကြောင့် လမ်းဆုံ မှာ ပြန်လည်စုစည်း ဆန္ဒပြ ချီတက်ခဲ့ကြတာဖြစ်ပြီး အစိုးရ၀န်ထမ်းတွေ၊ ရှေ့နေတွေ၊ ကျောင်းသားလူငယ်တွေနဲ့ ပြည်သူတွေ ပါဝင်ခဲ့ကြပါတယ်။
ဆန္ဒပြသူတွေနောက်မှာ ရဲလုံခြုံရေးတွေက စစ်ကားတွေနဲ့ လိုက်ပါနေတာကို တွေ့ရပါတယ်။ ကချင်ပြည်နယ် မြစ်ကြီးနားမှာ မနေ့ကလည်း လူသိန်းချီ ဆန္ဒပြခဲ့ကြပါတယ်။
ဇုန်းကျန်း CJ
