ဝိုင်းမော်တွင် တရားမ၀င် ၀င်ရောက်လာသည့် တရုတ်နိုင်ငံသား ၄ ဦးကို ဖမ်းဆီးရမိ
DVB
·
November 20, 2020
ကချင်ပြည်နယ်၊ ဝိုင်းမော်မြို့မှာ အထောက်အထားမဲ့ တရားမ၀င် ၀င်ရောက်လာတဲ့ တရုတ်နိုင်ငံသား ၄ ယောက်ကို ဖမ်းဆီးအရေးယူထားတယ်လို့ ဝိုင်းမော်ရဲစခန်းက သိရပါတယ်။
နို၀င်ဘာ ၁၈ ရက် ညနေ ၂ နာရီလောက်က ဝိုင်းမော်မြို့နယ်၊ ဆဒုံးစုပေါင်းဂိတ်မှာ တာဝန်ရှိသူတွေက တရုတ်နိုင်ငံသားတွေ လိုက်ပါစီးနင်းလာတဲ့ ကားကိုစစ်ဆေးရာမှာ အစစ်ဆေး မခံဘဲ မောင်းနှင် ထွက်ပြေးသွားလို့ လိုက်လံဖမ်းဆီးရာ ဆဒုံးဈေးမှာ ပြန်လည်ခုခံတာကြောင့် လုံးထွေးသတ်ပုတ်ဖမ်းမိခဲ့တာလို့ တာ၀န်ကျ ၀န်ထမ်းတစ်ယောက်က ပြောပါတယ်။
ဒီဖြစ်စဉ်နဲ့ပတ်သက်လို့ အထောက်အထားမဲ့ တရုတ်နိုင်ငံသား ၄ ယောက်နဲ့ သူတို့ကို တင်ဆောင်လာတဲ့ ကားသမားကို လ၀က အက်ဥပဒေ ပုဒ်မ ၁၃ (၁)၊ ၁၃(၂) နဲ့ အမှုဖွင့် အရေးယူထားပါတယ်။
ဇုန်းကျန်း CJ
