မိုးကုတ်မြို့နယ်တွင် ကျောက်တွင်းပြိုကျသဖြင့် ၁ ဦး သေဆုံး
DVB
·
November 7, 2020
မန္တလေးတိုင်းဒေသကြီး မိုးကုတ်မြို့နယ်၊ ကျောက်ပြသာဒ်ရွာမှာ နိုဝင်ဘာ ၆ ရက်နေ့ မွန်းလွဲပိုင်းက ကျောက်တူးတဲ့ တွင်းပြိုပြီး ခဲကြားညှပ်ကာ လူ ၁ ဦး သေဆုံးခဲ့တယ်လို့ မြို့နယ်ကြက်ခြေနီတပ်ဖွဲ့ကနေ သိရပါတယ်။
နေ့ခင်း ၁၂ နာရီဝန်းကျင်လောက်မှာ တွင်းပြိုခဲ့တာဖြစ်ပြီး နေ့ခင်း ၂ နာရီဝန်းကျင်လောက် မြို့နယ်ကြက်ခြေနီတပ်ဖွဲ့က သတင်းရခဲ့တာလို့ မိုးကုတ်မြို့အနောက်ပိုင်း ကြက်ခြေနီတပ်ဖွဲ့ တပ်ခွဲမှူး ဦးဝင်းလွင်က ပြောပါတယ်။
တွင်းပြိုတဲ့အချိန်မှာ ကျောက်တူးနေသူ ၆ ဦးရှိပြီး ၁ ဦး သေဆုံးခဲ့ကာ ၁ ဦးက ဒဏ်ရာအနည်းငယ်ရရှိခဲ့တယ်လို့ သိရပါတယ်။
သတင်း - ဟန်နာထက်အောင်
