အဆိုတော် အုပ်စိုးခန့်၊ မင်းသွေးခန့်တို့ ပါဝင်သည့် “ရွေးကောက်ပွဲဆုံရပ်” ထုတ်လွှင့်မည်
DVB
·
November 6, 2020
နှုတ်ခမ်းနီမလေးတွေ အသည်းစွဲ လူငယ်အဆိုတော် အုပ်စိုးခန့်နဲ့ မော်ဒယ်သရုပ်ဆောင် မင်းသွေးခန့်တို့ ပါဝင်ကြမယ့် “ရွေးကောက်ပွဲဆုံရပ်”အစီအစဉ်ကို ဒီကနေ့ညနေ ၅ နာရီတိတိမှာ တိုက်ရိုက် ထုတ် လွှင့်သွားဖို့ ရှိနေပါတယ်။
ဒီအစီအစဉ်မှာ မဲပေးတာနဲ့ ပတ်သက်တဲ့ အကြောင်းအရာတွေကို သူတို့ ၂ ယောက်က ပြောပြ ပေးသွားကြမှာဖြစ်ပြီး Myanmar Election Hype House 2020 ဖေ့စ်ဘွတ်ခ်အင်တာနက်လူမှု ကွန်ရက်စာမျက်နှာပေါ်ကတဆင့် တိုက်ရိုက်လိုက်ဖ်အနေနဲ့ ထုတ်လွှင့်သွားမှာ ဖြစ်ပါတယ်။
ဒီလိုက်ဖ်မှာ ကြည့်ရှုနေတဲ့ ပရိသတ်တွေအတွက်လည်း ရွေးကောက်ပွဲနဲ့ ပတ်သက်တဲ့ ဗဟုသု တဉာဏ်စမ်းမေးခွန်းတွေကိုပါ ဖြေဆိုပြီး ဆုလက်ဆောင်တွေလည်း ရယူနိုင်မှာ ဖြစ်ပါတယ်။
လာမယ့် နိုဝင်ဘာ ၈ ရက်မှာ ကျင်းပတော့မယ့် မြန်မာနိုင်ငံရဲ့ ပါတီစုံဒီမိုကရေစီ အထွေထွေ ရွေးကောက်ပွဲမှာတော့ ပြည်သူတွေအနေနဲ့ မိမိတို့ရဲ့ သက်ဆိုင်ရာ မဲရုံတွေအလိုက် စနစ်တကျ မဲ ပေးကြရမှာတွေနဲ့ ပတ်သက်ပြီး ဆောင်ရန်ရှောင်ရန်တွေနဲ့အတူ ဘာတွေ သိထားသင့်သလဲ၊ ဘာ တွေကြိုတင်ပြင်ဆင်ထားသင့်သလဲဆိုတာတွေကိုပါ သိရှိနိုင်မှာ ဖြစ်ပါတယ်။
