ဓမ္မဝါဒီစာသင်တိုက်က သီလရှင် ၃၆ ပါး ကိုဗစ်-၁၉ ရောဂါပျောက်ကင်း၍ ကျောင်းတိုက်ပြန်ကြွ
DVB
·
October 15, 2020
ရန်ကုန်တိုင်း၊ မှော်ဘီမြို့နယ်မှာရှိတဲ့ တပ်မတော်ကျန်းမာရေးကုသစင်တာမှာ တက်ရောက် ဆေးကုသမှုခံယူခဲ့တဲ့ အင်းစိန်မြို့နယ် ဓမ္မဝါဒီစာသင်တိုက်က သီလရှင် ဆရာလေး ၃၆ ပါး ကိုဗစ်-၁၉ ရောဂါကင်းစင်လို့ ကျောင်းတိုက်ကို ပြန်ကြွသွားပြီလို့ သိရပါတယ်။
အောက်တိုဘာ ၁၄ ရက်နေ့က ကျောင်းတိုက်ကို ပြန်လည်ရောက်ရှိခဲ့တယ်လို့ စာသင် တိုက်ရဲ့ လူမှုကွန်ရက်စာမျက်နှာမှာ ရေးသားထားပါတယ်။ ဒါပေမဲ့ ဆရာလေး ၄ ပါးကတော့ ရက်မပြည့်သေးတဲ့အတွက် စင်တာမှာ ဆက်လက် ကျန်ရှိနေသေးတယ်လို့ ဆိုပါတယ်။
ပြီးခဲ့တဲ့ စက်တင်ဘာ ၂၆ ရက်ကစပြီး ပဓာနနာယကဆရာကြီးနဲ့ ဆရာလေးတွေကို ရောဂါပိုးစစ်ဆေးခဲ့ရာ ဆရာကြီးမှာ ပိုးမတွေ့ရှိဘဲ ဆရာလေးအပါး ၄၀ မှာ ကိုဗစ်-၁၉ ရောဂါပိုး တွေ့ရှိခဲ့လို့ တပ်မတော်ကျန်းမာရေးကုသစင်တာမှာ ကုသပေးနေတာပါ။
သတင်း- အိသဇင်ခိုင်
