မကွေးတိုင်းမှ သမားတော်ကြီး ၅ ဦးအပါအဝင် ကျန်းမာရေးဝန်ထမ်း ၉ ဦး ရန်ကုန်သို့စေလွှတ်
DVB
·
September 30, 2020
မကွေးတိုင်းက သမားတော်ကြီး ၅ ဦးအပါအဝင် ကျန်းမာရေးဝန်ထမ်း ၉ ဦးကို ကိုဗစ်-၁၉ ရောဂါ ကုသရေးလုပ်ငန်းတွေဆောင်ရွက်ဖို့ စက်တင်ဘာ ၂၉ ရက်က ရန်ကုန်တိုင်းသို့ စတုတ္ထအကြိမ် ထပ်မံစေလွှတ်ထားတယ်လို့ တိုင်းဒေသကြီး ပြည်သူ့ကျန်းမာရေး ဦးစီးဌာနကနေ သိရပါတယ်။
မကွေးတိုင်းဒေသကြီး ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာခင်မောင်သန်းက "ရန်ကုန်တိုင်းဒေသကြီးအတွင်း ကိုဗစ်-၁၉ရောဂါ ကာကွယ်ကုသရေး လုပ်ငန်းတွေလုပ်ဆောင်နိုင်ဖို့အတွက် မကွေးတိုင်းမှ ကျန်းမာရေးဝန်ထမ်းတွေကို ပထမအကြိမ်မှာ ၂၉ ဦး၊ ဒုတိယအကြိမ်မှာ ၅ ဦး၊ တတိယအကြိမ်မှာ ၃၀ ဦး၊ စတုတ္ထအကြိမ်မှာတော့ သမားတော်ကြီး ၅ ဦး၊ လက်ထောက်ဆရာဝန် ၁ ဦး၊ ကျန်းမာရေးမှူး ၃ ထပ်မံစေလွှတ်ထားတယ်”လို့ ပြောပါတယ်။
နောက်ထပ်ပို့မပို့ကတော့ ကိုဗစ်-၁၉ ရောဂါဖြစ်ပွားမှုအခြေအနေရဲ့ လိုအပ်ချက်အပေါ် မူတည်ပြီးပို့မှာဖြစ်ပြီးတော့ နေထိုင်စားသောက်ရေးအတွက်ကတော့ သက်ဆိုင်ရာကုသမှုပေးတဲ့ စင်တာတွေအလိုက် တာဝန်ခံတွေကနေ တာဝန်ယူဆောင်ရွက်ပေးတယ်လို့ ဆိုပါတယ်။
မကွေးတိုင်းက ကျန်းမာရေးဝန်ထမ်းတွေကို ကိုဗစ်-၁၉ ကာကွယ်ကုသရေး လုပ်ငန်းတွေ ဆောင်ရွက်နိုင်အောင် ရန်ကုန်တိုင်းကိုသာမက ရခိုင်ပြည်နယ်ကိုလည်း စေလွှတ်ထားပါတယ်။
သတင်း - မင်းထီး
