မန္တလေးမြို့က အထင်ကရဈေးများကို ယာယီပိတ်
DVB
·
September 12, 2020
မန္တလေးမြို့က အထင်ကရ ဈေးတွေဖြစ်တဲ့ မန်းမြန်မာပလာဇာ၊ ဈေးချိုတော်၊ ဈေးချိုတော်တိုက်တန်းကြီး၊ ဈေးချိုတော်ပလာဇာတို့ကို စက်တင်ဘာ ၁၂ ရက်နေ့ကစပြီး ယာယီပိတ်သွားမယ်လို့ မန္တလေးမြို့တော် စည်ပင်သာယာရေးကော်မတီက သိရပါတယ်။
ဒီကနေ့မှာ ဆိုင်ခန်းရှင်တွေကို ပစ္စည်းတွေ ထုတ်ယူနိုင်ဖို့ ဈေးအကျိုးတော်ဆောင်တွေနဲ့ ပူးပေါင်းဆောင်ရွက်ကာ ထုတ်ပေးနေပြီလို့ မန္တလေးမြို့တော် စည်ပင်သာယာရေးကော်မတီ ဦးကျော်ဆန်းမြင့်က ဆိုပါတယ်။
အခုလို ယာယီပိတ်တာဟာ မန်းမြန်မာ ပလာဇာရှိ အလှကုန်ဆိုင်ဝန်ထမ်းတဦး ပိုးတွေ့ခဲ့တာနဲ့ ဆက်စပ်နေပြီး မန္တလေးမှာ ကိုဗစ်-၁၉ ရောဂါပိုးတွေ့ လူနာမများခင် ထိန်းချုပ်တဲ့အနေနဲ့ ဆောင်ရွက်တာလို့ သိရပါတယ်။
