အာဇာနည်နေ့အခမ်းအနား ကယားပြည်နယ်အစိုးရနှင့်ပါတီအချို့ တက်ရောက်ဂါရဝပြု
နော်နိုရင်း
·
July 19, 2020
ဒီကနေ့ ဇူလိုင် ၁၉ ရက်နေ့ ကျရောက်တဲ့ ၇၃ နှစ်မြောက် အာဇာနည်နေ့အထိမ်း အမှတ် အဖြစ် ကယားပြည်နယ်အစိုးရအဖွဲ့က အာဇာနည်ကျောက်တိုင်ကွင်းမှာ ကျဆုံးလေပြီးသော အာဇာနည်ခေါင်းဆောင်ကြီးတွေကို လွမ်းသူ့ပန်းခွေချ ဂါရဝပြုခဲ့ကြပါတယ်။
ဒါ့အပြင် လွိုင်ကော်မြို့ ကန္တဟေဝန်ပန်းခြံမှာရှိတဲ့ ဗိုလ်ချုပ်ကြေးရုပ်ကိုလည်း သွားရောက်အလေးပြုခဲ့ကြသလို ရွှေတောင်ပရိယတ္တိ စာသင်တိုက် ဆရာတော်နဲ့ သံဃာတော်အရှင်သူမြတ်တွေကို အရုဏ်ဆွမ်း ဆက်ကပ် လှူဒါန်းခဲ့ပါတယ်။
ကိုဗစ်-၁၉ ထုတ်ပြန်ထားတဲ့ စည်းကမ်းချက်အရ လူစုလူဝေးမဖြစ်စေရေး အစိုးရအဖွဲ့ဝင်တွေနဲ့ ပါတီတချို့သာ အာဇာနည်တွေကို ဂါရဝပြုခဲ့ကြပါတယ်။
ဓာတ်ပုံ- နော်နိုရင်း
