ထိုင်း-မြန်မာနယ်စပ် မယ်လဒုက္ခသည်စခန်းတွင် စိတ်ကြွမူးယစ်ဆေးများ ဖမ်းမိ
DVB
·
July 17, 2020
ထိုင်း-မြန်မာနယ်စပ် မယ်လ(ဘဲ့ကလော်)ဒုက္ခသည်စခန်းမှာ ဇူလိုင်လ ၁၆ ရက်နေ့က စိတ်ကြွမူးယစ်ဆေး ရောင်းဝယ်သူကို ထိုင်းအာဏာပိုင်တွေက ဖမ်းဆီးလိုက်ပါတယ်။
ထိုင်းနိုင်ငံ၊ တာခ်ခရိုင်၊ တာဆောင်ရမ်းမြို့ အုပ်ချုပ်ရေးမှူးအဖွဲ့၊ ထိုင်းရဲ နယ်စပ်ရဲတပ်ဖွဲ့နဲ့ အခြားဌာနဆိုင်ရာတို့ ပူးပေါင်းပြီး မယ်လဒုက္ခသည်စခန်း ဇုန်-စီရှိ မောင်ဒါးရဲ့အိမ်မှာ မူးယစ်ဆေး ရောင်းချတဲ့ သတင်းအရ ရှာဖွေစစ်ဆေးရာ အဝတ်ထည်တွေထဲကနေ စိတ်ကြွမူးယစ်ဆေး ၃၇၄၉ ပြား တွေ့ရှိပြီး မူးယစ်ဆေးပိုင်ရှင် မောင်ဒါး (၂၀ နှစ်)ကို ထိုင်းအာဏာပိုင်တွေက ဖမ်းဆီးလိုက်တာပါ။
မူးယစ်ဆေးဖမ်းဆီးရမိမှုနဲ့ ပတ်သက်ပြီး စိတ်ကြွဆေးပြားတွေနဲ့အတူ ဖမ်းမိတဲ့ မောင်ဒါးကို တာခ်ရိုင် တာဆောင်ရမ်းမြို့မရဲစခန်းမှာ အမှုဖွင့်စစ်ဆေးနေတယ်လို့ သိရပါတယ်။
သတင်း - ဖိုးစီ
