မြန်မာ-အိန္ဒိယ နှစ်နိုင်ငံနယ်စပ်တွင် အင်အား ၅ ဒသမ ၉ အဆင့်ရှိ မြေငလျင် လှုပ်ခတ်
DVB
·
June 22, 2020
မြန်မာ-အိန္ဒိယ နှစ်နိုင်ငံ နယ်စပ်မှာ ဒီနေ့မနက်အစောပိုင်းက အင်အားရစ်(ခ်)တာစကေး ၅ ဒသမ ၉ အဆင့်ရှိ မြေငလျင်တခု လှုပ်ခတ်သွားတယ်လို့ မိုးဇလက ထုတ်ပြန်ပါတယ်။
ဇွန် ၂၂ ရက်နေ့၊ မြန်မာစံတော်ချိန် ၀၅ နာရီ၊ ၁၀ မိနစ်၊ ၅၂ စက္ကန့် အချိန် ဟားခါးမြေငလျင်စခန်းမှ အနောက်မြောက်ဘက် ၄၂ မိုင် ခန့်ကွာဝေးတဲ့ မြန်မာနိုင်ငံ ပြည်ပ (Myanmar-India Border Region)၊ မြောက်လတ္တီတွဒ် ၂၃ ဒသမ ၁၄ ဒီဂရီ၊ အရှေ့လောင်ဂျီတွဒ် ၉၃ ဒသမ ၂၂ ဒီဂရီ၊ အနက် ၄ ကီလိုမီတာကို ဗဟိုပြုပြီး အင်အားရစ်(ခ်)တာစကေး ၅ ဒသမ ၉ အဆင့်ရှိ အင်အားအသင့်အတင့်ရှိ မြေငလျင်တခု လှုပ်ရှားတယ်လို့ ဆိုပါတယ်။
