အိန္ဒိယတွင်ပိတ်မိနေသည့် သံဃာတော်၊ သီလရှင်နှင့် လူပုဂ္ဂိုလ် ၆၇ ဦး ထပ်မံရောက်ရှိ
DVB
·
May 29, 2020
အိန္ဒိယနိုင်ငံမှ သံဃာတော်တွေ၊ သာသနာနွယ်ဝင် သီလရှင်တွေနဲ့ လူပုဂ္ဂိုလ်တွေအပါအဝင် စုစုပေါင်း ၆၇ ဦး မန္တလေးအပြည်ပြည်ဆိုင်ရာလေဆိပ်သို့ မေလ ၂၈ ရက်က ပြန်လည်ရောက်ရှိ လာတယ်လို့ တပ်မတော်က သတင်းထုတ်ပြန်ပါတယ်။
ကိုဗစ်-၁၉ ကပ်ရောဂါဖြစ်ပွားမှုကြောင့် မြန်မာနိုင်ငံကို ပြန်လာဖို့ အခက်တွေ့နေတဲ့ အိန္ဒိယနိုင်ငံရောက် သံဃာတော် ၅၈ ပါး၊ သာသနာနွယ်ဝင်သီလရှင် ၈ ပါးနဲ့ လူပုဂ္ဂိုလ် ၁ ဦး၊ စုစုပေါင်း ၆၇ ဦးတို့ကို သီတဂူဆရာတော်ဘုရားကြီး စီစဉ်တဲ့ လေယာဉ် တစ်စင်းနဲ့ ပြန်လည်ခေါ်ယူခဲ့တာဖြစ်ပါတယ်။
ပြန်လည်ရောက်ရှိလာတဲ့ ရဟန်းရှင်လူတွေကို သီတဂူ ဝိပဿနာတက္ကသိုလ်၊ သီတဂူဗုဒ္ဓတက္ကသိုလ်နဲ့ ဗုဒ္ဓဆေးရုံတို့မှာ Quarantine၂၁ ရက်ထားရှိ မှာဖြစ်ပါတယ်။
ပြီးခဲ့တဲ့ ဧပြီ ၂၂ ရက်ကလည်း အိန္ဒိယနိုင်ငံမှာ ပိတ်မိနေတဲ့ စာသင်သား သံဃာ ၊ သီလရှင် စုစုပေါင်း ၂၀၀ ကျော်နဲ့ လူပုဂ္ဂိုလ် ၄၀ ကျော်ကို သီတဂူဆရာတော်စီစဉ်တဲ့ စီးလုံးငှားလေယာဉ်နှစ်စီးနဲ့ ပြန်လည်ခေါ်ယူပြီး ဒီအထဲက လူပုဂ္ဂိုလ် တစ်ဦးမှာပဲ ရောဂါးပိုး တွေ့ရှိခဲ့ပါတယ်။
ဓာတ်ပုံ- CINCDS
