ချောက်မြို့ဆေးရုံကို အလယ်ပိုင်းတိုင်း စစ်ဌာနချုပ်က PPE ဝတ်စုံများ လှူဒါန်း
DVB
·
April 29, 2020
COVID-19 ရောဂါကာကွယ်ထိန်ချုပ်ရေး လုပ်ငန်းတွေမှာ လိုအပ်သလို အသုံးပြုနိုင်ဖို့ ချောက်မြို့ပြည်သူဆေးရုံကို တပ်မတော်က PPE ဝတ်စုံ ၅၀ ၊ နှာခေါင်းစည်း အခု ၅၀၀နဲ့ goggles မျက်မှန် ၁၀ လက် ဒီနေ့မနက်က လာရောက်လှူဒါန်းပါတယ်။
အလယ်ပိုင်းတိုင်း စစ်ဌာနချုပ်တိုင်းမှူးကိုယ်စား လာလှူပေးတာလို့ ကပစ ၂၂ စက်ရုံမှူး ဗိုလ်မှူးကြီး လှိုင်တင့်က ပြောပါတယ်။
အဆိုပါလှူဒါန်းမှုကို မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးကျော်ဆွေဝင်းနဲ့ မြို့နယ်ဆရာဝန်ကြီး ဒေါက်တာမျိုးသက်ဦးတို့က လက်ခံ ယူခဲ့ပါတယ်။
သတင်း- ကိုလင်း(ချောက်)
