COVID-19 ရောဂါ ထိန်းချုပ်နိုင်ရန် ခန္တီးမြို့ မင်္ဂလာစျေး ယာယီပြောင်းရွှေ့
DVB
·
April 17, 2020
COVID-19 ရောဂါကူးစက်မှု ထိန်းချုပ်နိုင်ရေးအတွက် လူစုလူဝေးလျှော့ချနိုင်ဖို့ ခန္တီး မင်္ဂလာဈးအား ပြည်သူ့အားကစားကွင်းကို ဧပြီ ၁၇ ရက်နေ့က စတင်ယာယီပြောင်းရွှေ့ လိုက်ပါတယ်။
"ရောဂါကူးစက်မှုမဖြစ်အောင် ပြည်သူ့အားကစားကွင်းက ကျယ်တယ်၊ စျေးရုံထဲ ကျဉ်းတယ်။ အခုပြောင်းရွှေ့ထားတာက သားစိမ်း ရောင်းသူ ဟင်းသီးဟင်းရွက်သူတွေကို ပြောင်းရွေ့ထားတာ” လို့ ဦးဘကြိုင်က ပြောပါတယ်။
စျေးသည်တယောက်ချင်းစီ ၃ ပေအကွာ စည်းခြားပေးထားတယ်လို့ ခန္တီးမြို့နယ် စည်ပင်သာယာရေးကော်မတီဥက္ကဋ္ဌ ဦးဘကြိုင်က ပြောပါတယ်။
စျေးရောင်းသူ၊ စျေးဝယ်လာသူအားလုံး နှာခေါင်းစည်းတပ်ရမှာဖြစ်ပြီး စနစ်တကျဈေးဝယ်နိုင်ဖို့ လက်ဆေးကန်ထားရှိ ပြင်ဆင်ထားတယ်လို့ ဆိုပါတယ်။
အောင်ဆန်းမြင့်
