ချောက်မြို့နယ် ကျန်းမာရေးဝန်ထမ်း ၂၇၀ ကျော်ကို စားသောက်ကုန်များ လှူဒါန်း
DVB
·
April 13, 2020
မကွေးတိုင်း၊ ချောက်မြို့နယ်အတွင်းရှိ ကျန်းမာရေး ဝန်ထမ်း ၂၇၂ ဦးကို မြို့နယ်ဆရာဝန်ကြီးက ဆန်၊ ဆီ၊ ကုလားပဲ စတဲ့ရိက္ခာ ၃ မျိုး ဧပြီ ၁၂ ရက်မှာ လှူဒါန်းခဲ့ပါတယ်။
“ဆရာတို့ မိသားစုက ကိုယ့်ဝန်ထမ်းတွေကို ကုသိုလ်လုပ်တဲ့သဘောပါ။ မဟာသင်္ကြန်ရက်အတွင်း၊ တမြို့နယ်လုံးမှာရှိတဲ့ ကျန်းမာရေးနှင့် ကုသရေးဝန်ထမ်း၊ နေ့စားဝန်ထမ်း အပါအဝင် ၂၇၂ ဦးကို” လို့ ချောက်မြို့ ပြည်သူ့ဆေးရုံ မြို့နယ်ဆရာဝန်ကြီး ဒေါက်တာမျိုးသက်ဦးက ပြောပါတယ်။
ကျန်းမာရေးဝန်ထမ်း တဦးကို ဆန် ၄ ပြည်၊ ဆီ ၅၀ ကျပ်သား၊ ကုလားပဲ နို့ဆီဘူး ၃ ဘူး ပေးဝေလှူဒါန်းခဲ့တာပါ။
ချောက်မြို့နယ် စလေမြို့ဆေးရုံ ဆေးရုံအုပ် ဒေါက်တာခင်မာလွင် မိသားစုကလည်း စလေမြို့ရှိ ကျန်းမာရေးဝန်ထမ်း ၂၇ ဦးနဲ့ ကြက်ခြေနီတပ်ဖွဲ့ဝင် ၁၇ ဦးတို့အား ၁ ဦးကို ဆန် ၁ ပြည်၊ ဆီ ၅၀ ကျပ်သား၊ ကြက်ဥ ၁၀ လုံးတို့ လှူဒါန်းပေးဝေခဲ့တယ်လို့ သိရပါတယ်။
ကိုလင်း(ချောက်)
ကိုလင်း(ချောက်)