Homeမြန်မာသတင်း
ထိုင်းနိုင်ငံက လူသတ်မှုဖြင့်အလိုရှိနေသည့် တရုတ်နိုင်ငံသား ၂ ဦးကို ကျိုင်းတုံတွင်ဖမ်းမိ
ထိုင်းနိုင်ငံက လူသတ်မှုဖြင့်အလိုရှိနေသည့် တရုတ်နိုင်ငံသား ၂ ဦးကို ကျိုင်းတုံတွင်ဖမ်းမိ
DVB
·
March 5, 2020
ထိုင်းနိုင်ငံက လူသတ်မှုနဲ့ အလိုရှိနေတဲ့ တရုတ်နိုင်ငံသား ၄ ဦးထဲက နောက်ထပ် ၂ ဦးကို ရှမ်းပြည်နယ် ကျိုင်းတုံမြို့မှာ မတ်လ ၄ ရက်နေ့က မြန်မာရဲတပ်ဖွဲ့က ဖမ်းဆီးရမိပါတယ်။
ထိုင်းနိုင်ငံက လူသတ်တရားခံပြေး ၂ ဦးဟာ ထိုင်း-မြန်မာနယ်စပ် မြဝတီကနေ ဝင်ရောက်လာဖြစ်ပြီး တာချီလိတ်ကို ထွက်ခွာဖို့ ကျိုင်းတုံစုပေါင်းဂိတ်မှာ သတင်းပို့တဲ့အချိန် စစ်ဆေးဖမ်းဆီးမိခဲ့တာပါ။
လူသတ်တရားခံပြေး တရုတ် ၄ ဦးဟာ ထိုင်းနိုင်ငံ ပထ္တရားမြို့မှာ လူသတ်မှု ကျူးလွန်ခဲ့ပြီး မြန်မာနိုင်ငံထဲ ထွက်ပြေးဝင်ရောက်ခဲ့တာ ဖြစ်ပါတယ်။
ထိုင်းအစိုးရကလည်း လူသတ်တရားခံပြေး ၄ ဦးကို ဖမ်းဆီးပေးနိုင်ဖို့ တရားခံပြေးကြေညာထားသလို မြန်မာအစိုးရကိုလည်း ဖမ်းဆီးပေးဖို့ အကြောင်းကြားထား ပါတယ်။
လက်ရှိမှာတော့ အဆိုပါ တရားနိုင်ငံသား လူသတ်တရားခံ ၂ ဦးကို ကျိုင်းတုံမြို့မှာ ထိန်းသိမ်းထားပြီး ထိုင်းနိုင်ငံကို ပြန်လည်လွှဲပြောင်းဖို့ ပြင်ဆင်နေတယ်လို့ သိရပါတယ်။
မတ်လ ၂ ရက် ညပိုင်းကလည်း ထိုင်းနိုင်ငံမှာ လူသတ်မှုကျူးလွန်ပြီး ထွက်ပြေးတိမ်းရှောင်လာတဲ့ တရုတ်နိုင်ငံသား ၄ ဦးအနက် ၂ ဦးကို ငွေဆောင်ကမ်းခြေမှာ ငွေဆောင်ကမ်းခြေမှာ ဖမ်းမိခဲ့တယ်လို့ မြို့အုပ်ချုပ်ရေးမှူးက ဒီဗွီဘီကိုပြောပါတယ်။
သတင်း- ကိုဇက်
